Og er þetta eitthvað nýtt ?

Það er engu líkara í þessum fréttaflutningi en það sé allt í lagi að múta læknum í heimalöndum fyrirtækjanna, sem ég ætla stórlega að efast um að sé rétt. Hins vegar er þetta nákvæmlega það sem við vitum , í það minnsta þeir sem kæra sig um að vita það.
mbl.is GSK sakað um að múta pólskum læknum
Tilkynna um óviðeigandi tengingu við frétt

Valdníðsla ?

Fyrir hlýtur að liggja rétturinn til búsetu í félaginu, ef íbúarnir eru með þinglýstan slíkan rétt þá eru engar forsndur fyrir því að koma með slíkar íþyngjandi aðgerðir á íbúana ef ekkert er um slíkt í fyrirliggjandi íbúðarréttarsamningi. Þetta er klárlega dómsmál að mínu mati.
mbl.is Óbreytt þjónusta í húsunum
Tilkynna um óviðeigandi tengingu við frétt

Glæsileg niðurstaða héraðsdóms

Glæsileg niðurstaða , enda með ólíkindum að ætla að selja inn á séreign ríkisins ,(sem er jú það sem ferðamenn eru að koma til að skoða) án þess að taka sameiginlega ákvörðun með ríkinu um það. Landeigendur ættu auðveldlega að geta nýtt eitthvað af milljónunum sem þeir taka inn í okurverði á veitingunum sem þeir selja til ferðamannanna til þess að byggja upp svæðið sem þeir eru svo áfjáðir í að gera eins og þeir segja að minnsta kosti. Það sér það hver heilvita maður að ætla að taka um 2 milljónir á dag að meðal tali af ferðamönnunum og dulbúa það sem endurbótafjármagn til svæðisins, getur ekki átt við nein rök að styðjast. Algjörlega kristaltært að dollaramerkin ljóma í augum rukkaranna ja, nema landeigendur semdu þannig við ríkið að allt það fjármagn sem til félli ufram endurbóta og uppbyggingarkostnað rynni óskipt í ríkissjóð. Svo er nú stóra spurningin hvað verður með alla peningana sem þeir hafa nú þegar vélað af ferðamönnum á ólögmætan hátt,  fá þeir kannski að halda þeim þótt sannanlega saknæmt sé ? 
mbl.is „Við erum ekki hætt“
Tilkynna um óviðeigandi tengingu við frétt

Alltaf verið að plata upp á hann !

http://eyjan.pressan.is/frettir/2010/11/15/bjorn-leifsson-frett-ruv-fjarri-lagi-skuldbinding-upp-a-300-milljonir-krona/
mbl.is Segist ekki hafa fengið afskriftir
Tilkynna um óviðeigandi tengingu við frétt

Allir græða ?

Ég get varla annað en varist brosi yfir þessu söluátaki hjá Morgunblaðinu. Ekkert að því að selja Moggann eins og mögulegt er en meðulin sem eru notuð finnast mér orka tvímælis svo ekki sé meira sagt.  Hér býðst háskólanemum að gera frábæran samning við Moggann með því að skulbinda sig i áskrift til 30 mánaða og áskrifatgjaldið borgar um leið Ipad air á kr. 89.990 vaxtarlaust.  En hvað er það sem liggur að baki ? Jú þessi Ipad er einungis 16 GB og því algjör kettlingur á markaðnum í dag og þar af leiðandi má leiða að því líkum að samningar Moggans við Epli hafi verið hagstæðir fyrir báða aðila . Annar selur upp lager af tækjum sem fáir kæra sig um í dag og hinn aðilinn safnar fullt af áskrifendum til 30 mánaða . BINGÓ. "Frábært"  Hverjir skyldu svo kaupa græjuna sem jú kostar 89.990 kr. líka í Epli án þess að gera neinn samning við Moggann í leiðinni ?  Skyldu það vera þeir sem vita ekki betur en þetta sé frábært tilboð en ekki úrelt vara sem er ekki einu sinni af G3 kynslóðinni hvað þá 4 eða 5 ?  Hm.. bara smá pæling.
mbl.is Háskólanemum býðst á ný að fá iPad á sérkjörum
Tilkynna um óviðeigandi tengingu við frétt

Hörmulegt slys

Ég er með verk í hjartanu yfir þessu hörmulega slysi. Lítill drengur
liggur stórslasaður eftir kæruleysi fullorðinna. Litlir strákar eru
alltaf að bralla eitthvað og vinnupallar sem reistir eru upp við húsvegg
eru mjög spennandi í þeirra augum. Mér finnst að það ætti að vera
algjörlega fortakslaust að vakt sé höfð um slíka staði þegar vinnutíma
lýkur. Annað er óafsakanleg slysagildra fyrir litla ævintýragjarna
grallara. Ég bið þess af öllu hjarta að litli drengurinn nái fullum
bata og bið ykkur öll kæru vinir að gera slíkt hið sama.


mbl.is Vinnupallar veittu aðgang að þaki
Tilkynna um óviðeigandi tengingu við frétt

Kynferðisbrot eða leikræn sjálfsfróun ?

Ég skil það ágætlega að hann skuli hafa verið sýknaður af þessari kröfu. Þetta svo kallaða kynferðisbrot er einungis gagnvart honum sjálfum þótt um leið það særi blygðunarsemi nábúanna.  Þótt ég sé engin talsmaður slíkrar hegðunar þá finnst mér persónulega hafsjór á milli kynferðisbrots og sýndarmennsku um sjálfsfróun.
mbl.is Sýknaður af ákæru um kynferðisbrot
Tilkynna um óviðeigandi tengingu við frétt

600 kr. á dag.

Já 400 milljónir, það hljómar ríflega þegar heildartalan er nefnd en hvernig virkar það þegar launin hækka um 25.000 kr. á mán. hjá hjúkrunarfræðingunum? Ætli sé nokkur erfitt að sjá að helmingurinn er tekinn beint í skatt og fer aftur í vasa ríkisins og hinn helmingurinn telur um 3000 kr. á viku sem eru heilar 600 kr. í launahækkun á dag miðað við fimm daga vinnuviku. Ef hjúkrunarfræðingum finnast þetta launahækkanir sem eru ásættanlegar miðað við launin sem þeim bjóðast í Noregi t.d þá eru þeir mjög nægjusamir að mínu mati og allar þessar uppsagnir þeirra dulbúnar að vanda. 
mbl.is „Hærri tala en ég hef heyrt áður“
Tilkynna um óviðeigandi tengingu við frétt

Á meðan að þjóðinni blæðir.

Sorglegt til þess að vita hvað margir eiga um sárt að binda í dag.  Stjórnvöld hafa því miður ekki komið auga á það  enn , enda engin þar sem þarf að standa í röð og biðja um ölmusu til að hafa eitthvað að borða fyrir sig og börnin sín. Ég skil alls ekki hvers vegna stjórnvöld forgangsraða ekki betur, af hverju er verið að fara í ráðherrabústaðakaup núna t.d og kasta í það hundruðum milljóna ef ekki meira og af hverju erum við að halda uppi þróunaraðstoð til annara landa þegar neyðin er svona mikil heima.  Spyr sú sem ekki skilur.
mbl.is 1.100 heimili fengu aðstoð í gær
Tilkynna um óviðeigandi tengingu við frétt

Ótrúlegt !

Það er með ólíkindum að verða vitni að þessum gjörningum í borgarstjórninni þegar árferðið er ekki betra en það er.
mbl.is Fimm milljónir í vasa varaborgarfulltrúa
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband