ÆTLAR ÞÚ AÐ VERSLA Í LEONARD?

 

GJALDÞROTA SÆVAR?

Svanur Snorrason skrifar :

Sævar Jónsson í Leonard hefur skráð allar eigur sínar á eiginkonuna og nú síðast BMW-lúxusjeppa sem hann keypti hjá SP-fjármögnun.

Þrátt fyrir að vera gjaldþrota er úrakonungur Íslands og fyrrum knattspyrnuhetjan úr Val og landsliðinu, Sævar í Leonard, ekkert að slá slöku við í bílamálunum.

Sævar ekur um á svörtum og glæsilegum BMW X5, árgerð 2008, sem metinn er á tæplega tíu milljónir króna.

Bílinn fékk Sævar sér í október á síðastliðnu ári en SP-fjármögnum var skráður eigandi en fyrirtækið Leonard aðalumráðaaðili.

Í nóvember færði svo Sævar fyrirtæki sitt, Leonard, á nýja kennitölu þar sem nafn hans kemur hvergi fyrir en allt tengt Leonard er hins vegar skráð á konu hans, Helgu Daníelsdóttur.

Og inn í þetta nýja félag fór einnig BMW-inn glæsilegi, sem gjaldþrota Sævar ekur nú um á, en um þessar mundir standa hann og kona hans í stórræðum við byggingu glæsihúss í Garðabæ.

Sævar í Leonard hefur verið áberandi í íslensku viðskipta- og samkvæmislífi undanfarin ár og vel þekktur sem ljúflingurinn í djúpu laug hákarlaauðmagnsins. Landsþekktur keppnismaður í knattspyrnu og meðal þeirra bestu á sinni tíð. En nú er hálfleikur í viðskiptalífi hans og staðan ekki góð. Sævar í Leonard verður að skora grimmt í seinni hálfleik eigi leikurinn ekki að tapast.

Svanur Snorrason ([e-mail])

 Er eitthvað að þessu spyr ég? Er þetta ekki bara nákvæmlega það sem sjtórnvöld núverandi og fyrrverandi hafa kosið að láta viðgangast.  Hvað skyldi nú hafa orðið um peninga fyrirtækisins, nú er Sævar ásamt frú sinni að leggja lokahönd á 500 fm. villuna sína í Garðabæ ásamt 200 fermetra sumarhúsi einhv. staðar sem ég man ekki hvar.  Hvernig í andsk. getur fólk borist svona á ef það er gjaldþrota.  Að láta stjórnendur og eigendur hafa frjálsar hendur með að færa allar skuldir sínar inn í fyrirtæki eins og Leonard setja það svo á hausinn , skilja skuldirnar þar eftir handa okkur til að greiða , en stofna svo nýja kennitölu um reksturinn og halda áfram eins og ekkert hafi í skoris. Er þetta í lagi? Ég vil leifa mér að efast um að þessi háttur sé hafður á í nokkru öðru landi á jörðinni, frekar er mönnum refsað fyrir að kunna ekki að reka fyrirtæki og fá ekki að koma nálægt stjórnun í rekstri í mislangan tíma, allt eftir lögum í hverju landi fyrir sig. 

Segið mér svo í hreinskilin sagt. ÆTLIÐ ÞIÐ AÐ HALDA ÁFRAM AÐ VERSLA VIÐ LEONARD ?

Athugasemdir

[Landfari, 12.7.2010 kl. 17:11]

Því miður þá er þetta viðskiptasiðferðið í dag.

Það sem verra er, almenningi virðist slétt sama. Það er ekki bara Leonard heldur fjölmargir fleiri.

[Inga Sæland Ástvaldsdóttir, 12.7.2010 kl. 18:48]

Já ég veit það ,  hvernig í ósköpunum stendur á þessum vinnubrögðum stjórnvalda? Af hverju er ekki stoppað í þetta ljóta gat i lagakerfinu? æi maður verður eitthv. svo vanmáttugur þegar maður spáir í þetta.