HVAR ER SKJALDBORGIN ?

VIÐ MUNUM SLÁ SKJALDBORG UM HEIMILIN Í LANDINU. Þessi frasi kom núverandi ríkisstjórn til valda. Sér er nú hver andsk. SKJALDBORGIN.

Mér finnst kominn tími til að við hættum að láta henda endalausu ryki  í augun á okkur, hættum að vera rollur reknar í rétt eftir behag stjórnvalda.  Dettur einhv. í hug að stjórnin standi ekki á bak við þessa gjörninga Seðlabankans og FMS.
Áfram nýtt Ísland. Við þurfum að losna við þetta lið eins og það leggur sig. Við viljum varðhunda fjámálakerfisins eins og þeir haga sér burt.

Við þurfum alvöru byltingu. Við viljum refsingu þeim til handa
sem visvitandi hafa notað sérfræðiþekkingu sína til að hafa okkur að fíflum.

 

 

Varðhundar fjármálakerfisins.

Athugasemdir

[Sleggjan og Hvellurinn, 5.7.2010 kl. 20:51]

Ef það kemur í ljós að þessar skuldir munu falla á alla landsmenn. Munt þú þá styðja þetta?

Láta alla skattborgara borga skuldir hjá nokkrum?

[Inga Sæland Ástvaldsdóttir, 6.7.2010 kl. 08:29]

Já það er ekki nokkur spurning að ég myndi styðja það, því það lendir á engum nema fjármálastofnununum sjálfum að standa undir þeim lögbrotum sem þau hafa vísvitandi framið. Að lítisvirða dóm Hæstaréttar með þeim hætti sem nú er gert er með slíkum ólíkindum að ég bara á ekki eitt einasta orð.  Þegar þú talar um að falla á alla landsmenn þá geng ég út frá því að þú sért að vísa í  hræðsluáróður Gylfa viðskiptaráðherra, þar sem hann segir að það muni kosta ríkið 100 milljarða að virða þessa gegnistryggðu samninga.  Ég segi nú bara fussum svei við þeim málflutningi hans. Þar talar sami einstaklingur og henti 200 milljörðum inn í bankana eftir hrun til að vernda og styrkja KRÖFUHAFANA OG FJÁRMAGNSEIGENDURNA.  Hver borgar þann brúsa ásamt Icesave , Krónubréfum og sjálfsagt einhv. miklu fleira sem enn hefur ekki verið tekið fram til að klína í andlitin á okkur.

Ég spyr til baka !

A) Eru þeir sem eiga mest alla  peningana og ákveða að fjárfesta í rekstri sem þeir telja að muni margfalda auðinn, eiga þessir aðilar ekki sjálfir að taka afleiðingum gerða sinna ?

B) Finnst þér eðlilegt að ríkisvaldið hlaupi undir bagga með peningaaflinu í landinu og láti landsmenn leggja inn á reikninga þeirra hundruði milljarða?

C) Eru ekki lágmarkskröfur sem gerðar eru til RÉTTARRÍKIS að dómar skuli standa?

[Valsól (IP-tala skráð) 6.7.2010 kl. 08:54]

Því í fjandanum var ekki tækifærið notað til að krefjast leiðréttingar fyrir ÖLL lán almennings bæði gengis- og verðtryggð lán við dóm Hæstaréttar? Ástæðan er reyndar einföld, það fór af stað lottóæði þeirra sem eru með gengistryggðu lánin og fara þeir nú fram með offorsi til að ná ekki bara fram vísitölulausum lánakjörum, heldur til að fá nánast allt niðurfellt og inneign í þokkabót. Þetta mun gera það að verkum að ALDREI mun verða farið í neina leiðréttingu á öðrum lánum. (Tek það fram að ég sjálfur kem til með að hagnast mjög vel ef dómur Hæstaréttar fær að standa, ég hins vegar kæri mig ekki um að fá þennan gróða á kostnað þess að ekki verði farið í leiðréttingu á verðtryggðum lánum). Ég vill leiðréttingu á ÖLLUM lánum, ekki bara gengistryggðum. Sorglegt að ekki skuli nást samstaða í þeirri kröfu vegna græðgi.

[Inga Sæland Ástvaldsdóttir, 6.7.2010 kl. 10:46]

Ég er þér sammála hvað varðar verðtrygginguna. Málið er, að það voru einungis gengislánin sem voru dæmd ólögleg í Hæstarétti að þessu sinni, auðvita skapaðist fordæmi með þeim dómi og ef ég skil það rétt þá er nú þegar í undibúningi dómsmál sem varðar verðtryggðu lánin. Hér á landi hefur verið rekin almenn okurlánastarfssemi og ég veit ekki um neitt land í veröldinni sem hefur skellt slíkri vaxtabyrgði á þegna sína eins og Ísland gerir.

Ég er ósammála hvað varðar lottóæðið eins og þú nefnir það, hér er einungis verið að biðja um að virða fallin dóm Hæstaréttar og ekkert umfram það.

[Sleggjan og Hvellurinn, 6.7.2010 kl. 21:32]

Það eru allir sammála að þessi lán eru ólögleg eftir dóm hæstarétt. En það er deilt um hvaða vexti koma í staðinn. FME og SÍ komu með hugmynd en nokkrir háværir skuldarar voru ósammála og fóru fyrir utan SÍ að mótmæla.

A) Jú þeir eiga að gera það (enda eru þessi bílalánafyrirtæki meira og minna á hausnum)

B) Peningaafli? Hver var að leggja inná hvaða reikning hundruði milljarða? Ertu að tala um lánin eða? Það hefur komið í ljós að gengislánin eru ólögleg og ef það verður farið eftir tillögum FME og SÍ þá mun skuldarar borga miklu minna heldur en ef gengistryggingin mundi gilda.

C) Það eru enginn að véfenga dóm hæstaréttar. En það kom ekki fram í dóm hæstaréttar að miða skal við 3% vexti.    Vextirnir eru deilumál. Það á eftir að útkljúfa það.

Ég svaraði spurningunum þínum en þú svaraðir ekki spurningunni minni.

Ef það verður svo..... og ég segji EF.

Að Gylfi, Seðlabanki Ísland og AGS eru að segja satt.  Að skattborgarar allir þurfa að borga fyrir lán nokkra skuldara.

Munt þú stiðja það?

EF? Ég er ekki að segja að það sé þannig.

[Inga Sæland Ástvaldsdóttir, 7.7.2010 kl. 16:00]

Já ég hef áttað mig á því að deilt er um vextina sem lánin bera, það er ekki flóknara en það að þeir hljóta að standa þar til annað kemur í ljós.

A) Þar er ég nú frekar að vísa til bankanna sem ákváðu með sérfræðingum sínum að bjóða okkur þessi ólögmætu lán, taka svo stöðu gegn krónunni til að reyna að hámarka hagnað sinn sem mest þeir máttu.  Og að sjálfsögðu fylgja hinir nábítarnir með.

B) Steingrímur J. sá um þá gjörninga að leggja 200 milljarða í bankakerfið til að rétta það við, hver heldurðu að borgi þann brúsa?  þetta fé var einungis til að styðja við fjármagnseigendur og erlenda kröfuhafa bankanna. Fuss segi ég nú bara.

Að skuldari gengistryggðra lána muni borga miklu minna ef tilmæli Seðlabanka og FME myndu ná fram að ganga, því á ég bágt með að trúa þar sem meðalvaxtaleiðin sem þeir tilmæla felur í sér slíka okurvexti, á sama tíma og þeir tala um 8-8,5 % vexti þá er það bara viðmið við daginn í gag. Þeri tala um meðalvexti aftur í tímann sem myndu auðveldlega geta orðið 15 % . Þetta er hrein verðtrygging og enn og aftur fjármagnsstofnanir látnar bæði fá belti og axlabönd á kostnað okkar.

C) Rétt er það að hvergi var talað um vexti í dómum Hæstaréttar en það staðfestir einungis að þeir vextir sem samið hafði verið um skulu standa þar til dómur hefur fallið um eitthvað annað. Þessi tilmæli Seðlabanka og FME. eiga því engan rétt á sér.

Ég get ekki farið í þennan EF leik þar sem ég er sannfærð um að það er eintóm lýgi sem er borin á borð fyrir okkur núna fyriri utan það að þessir háu herrar sem gera lítið annað en reka hræðsluáróður þessa dagana þurfa ekki að leggja fram eina einustu krónu þótt vextirnir myndu standa óbreyttir á gjaldeyrislánunum.