tussuhvað??

Mikið rosalega langar mig að vita hvers vegna þessi einstaklingur,þ.e Elías Jón Guðjónsson er aðstoðarmaður ráðherrans Katrínar Jakobsdóttur.  Það er akkúrat ekkert sem bendir til þess að maðurinn sé starfi sínu vaxinn.  Burt séð frá öllum afsökunarbeiðnum þá er mín skoðun sú að svona mann á umsvifalaust að láta fjúka.

Hefur beðið ráðherra afsökunar

Ástæðan fyrir frestinum ?

Það skyldi þó aldrei vera að dómurinn hafi verið pantaður? 

Tilmælin standa

KOLKRABBA KJAFTÆÐI !

Er það bara ég sem er orðin algjörlega kjaftstopp á öllu þessu kolkrabba kjaftæði? Ég botna hvorki upp né niður í því hvernig fólk sem á að flokkast undir norm skuli hamast svona í bullinu með þessar kræklur.  Flestu finnur fólk upp á til markaðssetningar :) Hvað skyldi ríkur bjáni t.d vilja borga fyrir svona spádómsmeistara, maður ætti kannski að ná sér í einn til að redda lottóinu, ekki veitir af í allri kreppunni. 

Kolkrabbi blandast í kosningar

Lyktnæmi í lagi !

Ég les æ fleiri greinar um það að lögreglumenn renni á lyktina,  þetta er ánægjuleg þróunn og sýnist mér að ef heldur áfram sem horfir þá séu leitarhundar lögreglunnar á undanhaldi og óþarfir hvað úr hverju.

Runnu á lyktina af maríjúana

ÁFRAM JÓN !

Ég vona bara að sjávarútvegsráðherra standi á því umboði sem hann hefur til starfans án þess að LÍÚ og nokkrir hagsmunaðilar aðrir segi honum fyrir verkum. Að vísu vitum við að LÍÚ og örfáir aðrir útgerðarkongar hafa haft tögl og haldi í sjávarútvegsráðuneytinu og það verður ansi súrt fyrri þá að missa tökin þar.  En mikið er mér sama Ég segi bara ÁFRAM JÓN !

Útgerðarmenn funduðu með ráðherra

Þvílíkt BRJÁLÆÐI !

þvílíkur hráskinnaleikur.  Það er erfitt að koma orðum að hugsunum sínum við lestur á þessum endalausu ógeðis fréttum. Ég vil leyfa mér að efast um að mögulegt væir að finna vanhæfari, spilltari og ósvífnari stjórnvöld á nokkru byggðu bóli jarðarinnar. Við þurfum auðvita að slá heimsmet í þessum skítavinnubrögðum eins og öðru.

Tapið af Sjóvá gæti lent á ríkinu

Fall Askar Capital undistrikar þá fjárhagslegu áhættu sem íslenska ríkið tók þegar Sjóvá var bjargað frá gjaldþroti í fyrra. Ríkið þurfti að leggja félaginu til bréf sem voru með ríkisábyrgð. Ríkið varð að gera þetta til að verja hagsmuni viðskiptavina Sjóvár en gæti tapað á því. Karl og Steingrímur Wernerssynir áttu Sjóvá en Tryggvi Þór Herbertsson var forstjóri Askar Capital lengst af.

Innlent 22:11 › 17. júlí 2010

Mögulegt tap af sölunni á tryggingafélaginu Sjóvá gæti fallið á íslenska ríkið, og þar með íslenska skattgreiðendur, að mestu leyti. Íslandsbanki er með tryggingafélagið í söluferli og stendur einn mögulegur kaupandi eftir samkvæmt Árna Tómassyni, formanni skilanefndar Glitnis. Íslenska ríkið á nærri 80 prósenta hlut í tryggingafélaginu og Glitnir og Íslandsbanki eiga rúm 20 prósent.

Árni vill af skiljanlegum ástæðum ekki greina frá því hvaða kaupandi stendur eftir en segir að deilt sé um verð og önnur samningsatriði. Verðið sem er deilt um er væntanlega þeir 16 milljarðar króna sem núverandi eigendur Sjóvár þurftu að leggja inn í tryggingafélagið til að bjarga því frá gjaldþroti. Þar af lagði íslenska ríkið Sjóvá til tæpa 12 milljarða.

Heimildir DV herma hins vegar að um sé að ræða fjárfestahóp á vegum Heiðars Más Guðjónssonar, fyrrverandi starfsmanna Novators, félags Björgólfs Thors Björgólfssonar. Heiðar Már er búsettur í Sviss um þessar þar sem hann starfar fyrir vogunarsjóð.

Fall Askar Capital og Avant í vikunni breytir þó ekki miklu um framtíð Sjóvár jafnvel þó að hluti þeirra eigna sem ríkið lagði inn í Sjóvá til að bjarga því frá þroti hafi verið skuldabréf Askar Capital og Avant. Ástæðan er sú að skuldabréf Askar og Avant eru tryggð með öðrum bréfum sem eru með ríkisábyrgð. Íslenska ríkið er því alltaf í ábyrgð fyrir eignunum sem voru settar inn í Sjóvá og skiptir staða Askar og Avant því á endanum ekki höfuðmáli fyrir Sjóvá þar sem þessi ríkisábyrgð er fyrir hendi.

Ingi Freyr Vilhjálmsson ([e-mail]) tekið af DV.is

LOKSINS ! LOKSINS !

Ég hef ekki orðið sælli í langan tíma við lestur fréttanna. Að sjávarútvegsráðherra skuli gefa rækjuveiðarnar frjálsar er það sem toppar annars skelfileg vinnubrögð þessarar stjórnar. Mér er ósárt um harmakveinið sem kemur úr ranni LÍÚ.  Árfarm Jón ! Ég er sannfærð um að þorri þjóðarinnar stendur með þér þegar kemur að því að skila kvótanum aftur til eigenda sinna. 

 

Vísir.is

 

Vísir, 17. júl. 2010 18:30

Æfir yfir ákvörðun sjávarútvegsráðherra

Jón Bjarnason sjávarútvegsráðherra  Horfa á myndskeið með frétt

Útgerðarmenn eru æfir vegna þeirrar ákvörðunar sjávarútvegsráðherra að gefa veiðar á úthafsrækju frjálsar. Þeir telja að með þessu sé ráðherra að óbeint innkalla kvótaheimildir. Útgerðarmenn hafa óskað eftir fundi með ráðherra vegna málsins.

Úthafsrækjukvóti er 7 þúsund tonn á yfirstandandi fiskveiðiári en kvótinn skiptist á 80 skip.

Lítið hefur veiðst af rækju á undanförnum árum og má segja að stofninn sé nánast hruninn. Fyrir sjö árum veiddust tæplega 24 þúsund tonn af rækju en aðeins 860 tonn árið 2007. Á síðasta fiskveiðiári nam heildaraflinn aðeins þriðjungi af útgefnum kvóta.

Með hliðsjón af þessu ákvað Jón Bjarnason, sjávarútvegráðherra, að gefa veiðar á úthafsrækju frjálsar á næsta fiskveiðiári. Ráðherra kynnti ákvörðun sína í gær en til stendur að endurmeta á stöðuna í lok næsta fiskveiðiárs.

Ráðherra vísaði meðal annars í skýrslu starsfhóps á vegum á ráðuneytisins, þar sem fram kemur að sóknarstýring á úthafsrækjuveiðum vinni gegn því að aflaheimildir dagi uppi.

Útvegsmenn eru afar óánægðir með ákvörðun ráðherra og telja að með þessu sé óbeint verið að innkalla veiðiheimildir. Þeir ætla að funda með ráðherra á mánudag vegna málsins en einn útgerðarmaður sem fréttastofa talaði við sagði að ráðherra væri með þessari ákvörðun að vega að rótum fyrirtækisins.

Þessi ákvörðun kallar á lagabreytingu en ráðherra hyggst leggja fram frumvarp þess efnis á komandi haustþingi.

Jón Bjarnason segir að undanfarin ár hafi ekki veiðst upp í úthlutaðar veiðiheimildir á rækju og það sé ástæðan fyrir því að hann ákveðið að gefa veiðarnar að þessu sinni frjálsar.

Svarfrestur runninn út !

Umboðsmaður Alþingis, tekur sér helgina í það að ákveða hvort hann veitir Seðlabankanum og FME viku frest til að svara fyrirspurn umboðsmanns.  Mig langar að vita hvenær beiðnin barst umboðsmanni, barst hún jafnvel eftir að svarfresturinn rann út? Mér þykir svona fréttafluttningur ekki nógu ljós um gang mála, ja ef á að fjalla um hann á annað borð.  Eins og ég sé þetta þá er ekkert um að ræða að veita fikufrest ef beiðnin um hann hefur borist eftir að svarfrestur rann út, þá einfaldlega svörðu þessar stofnanir ekki fyrirspurn umboðsmanns í tíma.

FME og Seðlabanki vilja frest

Félagi Napóleon.

Mér þótti ótrúlegt að horfa á þessa frétt. Að einstaklingur skuli ekki sjálfur geta valið þann skóla sem hann kýs er með ólíkindum.  Að vísu get ég sagt viðkomdndi að FÁ er fínn skóli og alls ekki erfiðara að komast í hann frá Garðabæ heldur en þá sem hann valdi , hins vegar átta ég mig ekki á því hvers vegna afburða nemendur velja frekar bekkjakerfi en fjölbrautakerfi þar sem það síðar nefnda veitir mun meira svigrúm í námsferlinu.

Valdi of „sterka“ skóla

Spá tæplega hundrað gráðu hita á Langarnesi.

Veðurstofa Morgunblaðsins spáir 99 gráðu hita á Selsíus á Langanesi næstu sex daga. Þetta má lesa úr veðurkortunum á vef blaðsins. „Vona að fólk á Langanesi lifi þetta af," segir Gísli Steinar Jóhannesson hjá Paragliding.is í samtali við DV.is. „Við hjá Paragliding þorum ekki að fljúga á því svæði á þessum tíma þar sem vængir okkar gætu fuðrað upp."

Væntanlega er um að ræða mistök í gerð veðurkortanna en veðurspá Veðurstofu Íslands stangast all svakalega á við þessa spá Morgunblaðsins. Siggi Stormur birtir veðurkort Veðurstofunnar í pistli sínum hér á DV.is. Þar er einungis spáð á bilinu sex til níu stiga hita á svæðinu

Aðalsteinn Kjartansson ([e-mail])

Tekið af DV.is