Ég á engin orð.

Þannig að þá er víst best að þegja.

Boðið að stýra rannsókn SÞ

Það er nú það.

Hverju er hægt að trúa orði sem kemur út úr blessuðum manninum?  Hvernig í ósköpunum dettur honum í hug að bera það á borð aljörlega hrátt að milljarðar sem verslunarkeðjan Iceland átti skyldu vera inn á hans persónulega reikning? Nei takk má ég þá frekar biðja um epli.

Greiddi þrotabúinu 15 milljónir dollara

Nú hlær mín kunta.

Já SÆLLLLLL  ég veit ekki hvort við höfum gott af því yfirleitt að fylgjast með þegar drullan flæðir upp undan þessu liði.  Hvað ætli ráðgjafinn Jón Ásgeir hafi oft stigið fæti inn til 365 miðla á ári, ja eða mánuði ? heheh dj. vildi ég vera með vinnu þar, svo ég tali nú ekki um hjá þessum hulduher sem greiðir honum 132 milljónir á ári fyrir hvaða vinnu , ja ekki veit ég það og sennilega hann ekki sjálfur. En þessar 132 millur hvað er það hjá manni sem hefur gefið upp að eyða 50 - 66 millj. á mánuði á árunum 2001 - 2008.  Hvernig stendur á því að hann GENGUR LAUS ?

Ég er sannfærð um það að ef að íslenska ríkið sýndi dug og réði til sýn erlenda spæjara frá USA eða UK til að rekja slóð þessara mann út um allan heim og finna földu fjásjóðina þeirra þar, þá myndi kostnaðurinn sem af því hlytist fyrir ríkið koma milljón sinnum til baka. 

Jón Ásgeir fær ráðgjafarþóknun frá 365

NEW YORK, NEW YORK !

Það er með ólíkindum að þessi einstaklingur skuli enn ganga laus , þó ekki væri nema svikamyllan sem hann stýrði um Sterling flugfélagið en hún sýndi okkur nákvæmlega hvernig þessir aðilar fóru að því að mala undir sig milljörða á milljarða ofan.  Svo eru þeir allir meira og minna orðnir blankir að eitin sögn þessi grey. Annars er maður sjálfsagt að bulla tóma steypu því þrátt fyrir allaR þessar svikamyllur og stórþjófnaði þá hefur þeim sennilega tekist að fela slóðina svo rækilega að það finnst aldrei nema brota brot af því sem reynt er að ná upp í kröfur.

Pálmi segist engin tengsl hafa við Bandaríkin

TRÚIÐ ÞIÐ ÞESSU ?

Æi hvað þetta er allt orðið dapurlegt.  Ætli Þorsteinn trúi því sjálfur sem hann segir ? Hver kom þessum  manni inn í Glitni?  Var það ekki Jón Ásgeir sem vantaði góðan lepp fyrir sig þar? Leynt og ljóst tóku þessir aðilar hiklaust afstöðu gegn krónunni til að græða sem mest á falli hennar og sannarlega rökuðu þeir inn peningum. En ég bara skil ekkert í því hvar allir þessir peningar eru nú niðurkomnir.   

Hafði ekki hag af falli Glitnis

FINNA GAMLAN UPPGJAFA ÞINGMANN.

Nú verður stjórnin bara að koma sér saman um það, hvaða flokksgæðingur það er, sem á skilið að verða framkvæmdarstjóri íbúðalánasjóðs. Við þurfum líklega ekkert að efast um spillinguna sem enn ríkir,  meðan flokkaskerfið er enn ráðandi.  Hefðið Framsókn t.d enn verið við völd þá hefðurm við séð Guðna Ágústss. ja eða Halldór Ásgrímss. ráðna í stöðuna en nú er bara að spá í það hvern þeir vilja losna við úr stjórninni ja eða hver er nógu merkilegur uppgjafa þingmaður þarna út sem vert er að skella á spenann? 

Vá hvað ég vildi að ég hefði RANGT fyrir mér, en hm... leifi mér stórlega að efast um það því miður. Ég held nefnilega að ekkert hafi breyst þegar kemur að spilltum stjórnmálamönnum á Íslandi. 

Ætli þeir bjóði Ögmundi stöðuna ? Hann hefur jú oft verið upp á kant við kerfið. 

Fresta ráðningu framkvæmdastjóra

EIGUM VIÐ AÐ GISKA ?

Jón Hákon Halldórsson skrifar.

Það stendur til að ráða framkvæmdastjóra yfir sveitarfélaginu Árborg fyrir mánaðamótin, segir Eyþór Arnalds, formaður bæjarráðs og oddviti sjálfstæðismanna.

Starfið var auglýst eftir sveitastjórnarkosningarnar í vor og í gær var upplýst um það hverjir sóttu um. Á meðal þeirra eru margir reyndir sveitastjórnarmenn eins og Gunnar Birgisson, fyrrverandi bæjarstjóri í Kópavogi, Inga Jóna Þórðardóttir, fyrrverandi borgarfulltrúi í Reykjavík, og Ragnar Sær Ragnarsson, fyrrverandi sveitastjóri og varaborgarfulltrúi.

Eyþór vill ekkert láta uppi um það hvaða umsækjanda honum líst best á. Hann segir augljóst að það verkefni að velja úr hópi umsækjenda sé lúxusvandi. „Ég held að við séum með mjög góðan hóp af umsækjendum. Það er greinilegt að það sækjast mjög hæfir einstaklingar eftir því að fá að vinna að uppbyggingu hérna. Við erum mjög ánægð með það traust sem við fáum frá þessu fólki," segir Eyþór.

  jÁ SÆLL...Eigum við að giska á hver það verður sem hreppir hnossið...ja illa kæmi mér á óvart ef Gunnar Birgisson flokksbróðir yrði ekki fyrir valinu. Hvað haldið þið bloggarar ? Þetta er nú einu sinni Sjálfstæðisflokkurinn sem um er rætt.  Að vísu er þarna líka flokkssystir Inga Jóna Þórðardóttir en mmm held hún eigi ekki eins mikinn séns og Gunnar.  

ENDALAUS HRÆÐSLUÁRÓÐUR

Ég þar líklega ekki að skora á ykkur bloggara að lesa þessa frétt, veit að þið eru fróðleiksfúsari en svo:)  En takið eftir enn komast þessir margumtöluðu 100 milljarðar upp á borðið, þar sem ríkissjóður á að þurfa að greiða þá inn í bankana.  Ég held að þeim sé að takast að rugla mig það ærlega í rýminu að ég er farin að halda að eitthvað sé að tapast af heilakökunni í mér.   

Ég skil í fyrsta lagi ekki hvers vegna bankar sem eiga að vera útbólgnir af peningum geta ekki einfaldlega tekið á sig þessa "350 milljarða"  án aðkomu ríkisins.  Ef á að miða við eignarhluta ríkis í þessum glæpastofnunum þá hélt ég að þar væri einungis um Landsbankann að ræða, fyrir utan það að allir hafa komið fram og sagt að þetta væri skellur en ekki það mikill að hann yrði ekki staðinn af sér.  Hvað með Icesave? Hver á að borga brúsann þar og fyrir hvern?  Ég fæ kvíðahnút í magann og verð bara vanmáttug og sorgmædd að hugsa um allan þann sora sem á að leggja á okkur nú.

Nú þegar bankarnir eiga svona mikla peninga þá finnst mér að Alþingi ætti að setja lög um að fá endurgreidda 200 milljarðana sem ríkissjóður fleygði þangað inn þegar þessi svo kallaða endurreisn bankanna fór fram, ríkissjóður gæti þá hent aftur þessum 100 milljörðum inn í bankana svona bara fyrir Gylfa og ættum þá 100 eftir upp í Icesave fyrir Björgúlfana.   Neeeeee það á bara að hóta okkur enn frekari skattpíningu og skerðingu á almennri þjónustu og ef að Hæstiréttur dæmir nú ekki eins og AGS vill og stjornvöld hafa ekki dug til að mótmæla já vá þá eigum við sko eftir að fá það óþvegið.  Ég get svo svarið það að Castro hefði ekki getað gert þetta betur, að halda því fram að hér sitji velferðarstjórn við völd er sorglegt sjónarmið.   Við nálgumst það hægt en örugglega að geta fyrir rest sett okkur á bekk með kúguðum þjóðum þar sem mannréttindi eru fótum troðin eins og Norður Kórea, Kúba, Kína og Rússland svo dæmi séu tekin, ætla nú ekki alveg að skella okkur í arabaheiminn strax eða til Indlands þar sem daglegt brauð er að hella bensíni yfir eiginkonuna og kveikja í henni. 

350 milljarða tilfærsla

MÓTMÆLADAGURINN MIKLI !!!

BYRJUM HÉR ! BYRJUM NÚNA !

Gefum okkur að við gætum í sameiningu komið á laggirnar  mótmælum þar sem safnast myndu saman niðri í bæ álíka margir og á Menningarnótt.  Mótmæli eru jú eina vopnið sem við höfum utan þess að ganga í kjörklefann fjórða hvert ár ( ja svona miðað við eðlilegt árferði ) ef við viljum losa okkur við óhæfa stjórnendur.  

Skjaldborgarblaður Samfylkingarinnar er löngu útdautt en við getum slegið SKJALDBORG UM RÉTTARÍKIÐ ÍSLAND ef við snúum bökum saman. 

Komið með í að skipuleggja öflugustu og stærstu mótmæli íslandssögunnar

Mjög góður pistill sem vert er að lesa.

Þessi pistill hér að neðan er skrifaður af Jóni Magnússyni Hæstréttarlögmanni. Mér finnst hann bæði faglegur og skír og sannarlega þess virði að birta hann hér á síðunni minni. Hann segir allt sem segja þarf um það lögleysisástand sem nú ríkir í landinu okkar.

 

Aðstoðarbankastjóri Seðlabankans og forstjóri Fjármálaeftirlitsins boðuðu til blaðamannafundar í síðustu viku til að birta tilkynningu um það með hvaða löglausa hætti fjármálastofnanir ættu að innheimta ólögmæt gengislán. Úr hugarfylgsnum sínum tíndu þessir boðberar viðskiptaráðherra og ríkisstjórnarinnar hugmyndir um greiðslur neytenda af ólögmætum gengislánum.

Ekki væri gagnrýnisvert ef þessir sendiboðar ríkisstjórnarinnar færu að lögum og reglum í landinu en það gera þeir ekki. Þeir búa til viðmiðanir sem styðjast ekki við neitt annað en þeirra eigin hugarfóstur og fer raunar gegn leikreglum á lánamarkaði eins og sakir standa.

Talsmaður neytenda reynir þá að bæta aðeins úr og tínir annað hugarfóstur upp úr kolli sínum sem að vísu er hagstæðara lántakendum en er sama marki brennd og tilkynning tvíeykisins í Seðlabankanum og Fjármálaeftirlitinu að hún hefur enga lagalega skírskotun eða viðmiðun.

Staðreynd málsins er einföld. Lán í íslenskum krónum bundin gengisviðmiðun erlendra gjaldmiðla eru óheimil. Höfuðstóll lánanna er krónutalan sem tilgreind er á lánasamningnum að frádregnum innborgunum. Lánasamningurinn stendur að öðru leyti þar á meðal ákvæði um vexti. Þess vegna eiga fjármálastofnanir að gefa út greiðsluseðla í samræmi við dóm Hæstaréttar á grundvelli lánasamningsins þ.e. þeirra vaxta sem þar eru tilgreindir.

Lánasamningum gengisbundinna lána í íslenskum krónum hefur ekki verið vikið til hliðar nema hvað varðar ólögmætar breytingar á höfuðstól. Þess vegna er óskiljanlegt að aðstoðarbankastjóri Seðlabankans, forstjóri Fjármálaeftirlitsins og viðskiptaráðherra skuli mæla fyrir ólögmætum aðgerðum fjármálastofnana gagnvart skuldurum.

Hvað skyldu talsmenn norrænu velferðarstjórnarinnar þau Steingrímur og Jóhanna segja um þetta?

Stýrir Jóhanna núna velferðarstjórn fjármálafyrirtækjanna og erlendra kröfuhafa á kostnað fólksins í landinu? 

Það er athyglivert að þau Steingrímur og Jóhanna eru horfin úr umræðunni. En þau geta leyft sér það meðan kjölturakkar þeirra undir stjórn Gylfa Magnússonar viðskiptaráðherra boða löglausar aðgerðir fjármálafyrirtækja.